Bakı şəhərinin Xəzər rayonunda avtomobili sərxoş halda idarə edən sürücü inzibati məsuliyyətə cəlb olunub.
Teleqraf.az xəbər verir ki, Yol Patrul Xidməti əməkdaşları tərəfindən saxlanılan Babək Dadaşov (ad şərtidir) alkotesterlə yoxlanılıb və spirtli içki qəbul etdiyi müəyyən edilib. O, əvvəlcə nəticə ilə razılaşmasa da, anasının etirafından sonra protokolu imzalayaraq bunu təsdiqləyib.
Toplanan materiallar Xəzər Rayon Məhkəməsinə göndərilib və məhkəmənin qərarı ilə 1995-ci il təvəllüdlü şəxs 400 manat cərimələnib.
