COP29 ilə bağlı Təşkilat Komitəsinin 5-ci iclası keçirilib. Bu haqda bu gün, 9 iyul tarixində Bakuplus.az APA-ya istinadən xəbər verir.
İclasda Azərbaycan Respublikası Prezidentinin Administrasiyasının rəhbəri, Təşkilat Komitəsinin sədri Samir Nuriyev çıxış edib. O, iştirak edəcək dövlət və hökumət başçılarının sayının artdığını bildirib.
Həmçinin ekologiya və təbii sərvətlər naziri, COP29-un prezidenti Muxtar Babayev çıxış edərək, COP29-la bağlı ümumi gedişat, Bonn İqlim Konfransının nəticələri, COP29 komandasının xarici səfərləri barədə məlumat verib.
Bundan əlavə, iclasda xarici işlər naziri Ceyhun Bayramov, Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev, İnsan hüquqları üzrə müvəkkil (Ombudsman) Səbinə Əliyeva, Fövqəladə hallar naziri Kəmaləddin Heydərov, Bakı Şəhər İcra Hakimiyyətinin başçısı Eldar Əzizov, Qida Təhlükəsizliyi Agentliyi sədrinin müavini Zəkiyyə Mustafayeva və “DOST İnklüziv İnkişaf və Yaradıcılıq Mərkəzi” Məhdud Məsuliyyətli Cəmiyyətinin direktoru Nigar Məmmədova çıxış ediblər.
