Rəsmi şəxslər seçkilərdə iştirak etməkdə davam edirlər. Bu haqda bu gün, 7 fevral tarixində Bakuplus.az Report-a istinadən xəbər verir.
Dövlət Gömrük Komitəsinin sədri Şahin Bağırov 35 saylı Xətai üçüncü seçki dairəsinin 27 saylı orta məktəbdə yerləşən 2 saylı məntəqəsində səs verib.
Bakı Şəhər İcra Hakimiyyətinin başçısı Eldar Əzizov 7 saylı Səbail seçki dairəsinin 6 saylı məntəqəsində görüntülənib.
Azərbaycan Mərkəzi Bankının sədri Taleh Kazımov 3 saylı Nəsimi-Səbail seçki dairəsinin İlyas Əfəndiyev adına Elitar Gimnaziyada yerləşən 18 saylı seçki məntəqəsində səsvermə hüququndan istifadə edib.
Azərbaycan Respublikası Prezidentinin Administrasiyasının rəhbəri Samir Nuriyev 16 saylı Yasamal ikinci seçki dairəsinin 34 saylı seçki məntəqəsində səs verib.
Azərbaycan Respublikası Milli Məclisinin sədri Sahibə Qafarova 1-ci seçki dairəsinin 11 saylı seçki məntəqəsində səs verib.
Növbədənkənar prezident seçkiləri saat 19:00-a qədər davam edəcək.
