Qış parkından Milli bank istiqamətindəki keçidlərdə eskalatorların uzun müddətdir fəaliyyət göstərmədiyi bildirilir.
Bakuplus.az-a müraciət edən paytaxt sakinlərindən biri bildirib ki, sözügedən eskalatorlar ən azı 4 ildir normal işləmir. Bu isə hər gün həmin ərazidən istifadə edən insanların gediş-gəlişində çətinlik yaradır.
Onların sözlərinə görə, eskalatorlardan biri işləyirsə, digəri fəaliyyət göstərmir: "Paralel hər ikisinin eyni anda işlədiyini hələ görməmişəm".
Vətəndaş qeyd edib ki, xüsusilə yaşlı insanlar, uşaqlı qadınlar və səhhətində problem olan şəxslər üçün bu vəziyyət daha da pisdir.
Sakinlər aidiyyəti qurumların məsələni nəzərə alaraq eskalatorların fəaliyyətinin bərpa olunmasını tələb edir.
