Sabunçu rayonunun Yeni Ramana qəsəbəsində vəziyyət kritik həddə çatıb.
Bakuplus.az-a müraciət edən sakinlərin sözlərinə görə, yağan yağışlardan sonra ərazi tamamilə su altında qalıb.
Belə ki, fərdi yaşayış evlərini və həyətləri su basıb, küçələr isə keçilməz hala düşüb. Yolların bərbad vəziyyətdə olması vəziyyəti daha da ağırlaşdırır.
Əsas problemlərdən biri də kanalizasiya sisteminin işləməməsidir. Sakinlər bildirir ki, su axını üçün heç bir şərait yoxdur və nəticədə yağış suları ərazidə yığılıb qalır.
Onların sözlərinə görə, məsələ ilə bağlı aidiyyəti qurumlara müraciət olunsa da, indiyədək heç bir tədbir görülməyib.
