Bakının mərkəzində, "Nizami" metro stansiyasının yaxınlığında yerləşən "Grandmart" supermarketinin həyətə giriş yolunu bağlaması sakinlərin ciddi narazılığına səbəb olub.
Sakinlərin sözlərinə görə, artıq bir ildən çoxdur ki, mağaza həyətə aparan yolu tamamilə kəsib. Onlar dəfələrlə məsələ ilə bağlı mağaza rəhbərliyinə müraciət etsələr də, heç bir nəticə əldə olunmayıb.
"Bir il boyunca hər gün onlardan xahiş etdik ki, həyətimizin girişini açsınlar. Amma əhəmiyyət vermirlər. Hətta açıq-aşkar deyirlər ki, "hara istəyirsiniz, gedin şikayət edin" –sakinlər bildirib.
Şikayətçilər qeyd edirlər ki, aidiyyəti qurumlar da vəziyyətə göz yumur. Bu səbəbdən də sakinlər artıq sosial şəbəkələrdə məsələni ictimailəşdirərək, rəsmi qurumların tədbir görməsini tələb edir.
"Bu gün həyətə girə bilmədim. Onları qabaqcadan xəbərdar etmişdim ki, çəkib paylaşacağam. Xahiş edirik, paylaşın, bəlkə kimsə qanun çərçivəsində tədbir görər," – şikayətçi bildirib.
