Bakının “Əhmədli” metro stansiyası yaxınlığında qəza baş verdiyi və nəticədə məktəblinin öldüyü yerdə yol nişanı dəyişdirilib. Bu haqda bu gün, 17 yanvar tarixində Bakuplus.az Oxu.az-a istinadən məlumat verir.
Verilən məlumata görə, bu kəsişmədə uzun müddətdir ki, “Giriş qadağandır” nişanı olub.
Yolayrıcının girişində asfalt örtüyünə sola, sola və sağa, həmçinin mütləq sağa hərəkət etməyə imkan verən müvafiq nişanların vurulmasına baxmayaraq, avtobuslar düz hərəkət edib. Yəni sürücülər mütəmadi olaraq yol hərəkəti qaydalarının iki qaydasını kobud şəkildə pozublar.
Sözügedən hadisədən sonra yolun sağ hissəsində quraşdırılmış “Giriş qadağandır” nişanı “Hərəkət qadağandır” nişanı ilə əvəz edilib.
