Fevralın 4-də Mehman Hüseynov ABŞ-də yaşayan jurnalist İsmayıl Cəlilovun efirində iştirak edib və çox şokedici açıqlama ilə gündəmə gəlib.
Insanoid.com xəbər verir ki, o, Alyona Əliyevanın şəkillərini Rusiyanın kəşfiyyatından əldə etdiyini istisna etmir:
"Ola bilsin sizə maraqlıdır bunu mənə kim ötürüb. Bu mənə maraqlı deyil. Bu istəyir rus kəşfiyyatı olsun. İlham Əliyev Davosda olanda... mənə "Telegram"da bir şəxs yazıb... və mənə Alyonanın fotolarını göndərir... Yazışma rus dilində olub".
Bununla yanaşı sosial şəbəkələrdə adı bilinməyən bir şəxsin bloqer və jurnalist Mehman Huseynovla "Whatsapp" üzərindən edilən yazışması üzə çıxıb. Həmin yazışmada Mehman pul müqabilində onun Alyona Əliyeva barədə çəkdiyi videoya əlavə reaksiyalar əldə etmək istəyir. Kommentə görə jurnalist 10-20 manat ödəniş edəcəyini bildirir.
Alyona Əliyeva mövzusunu gündəmdə saxlamaq üçün isə videoların hazırlanması üçün o, qiyməti dəqiqləşdirəcəyini deyir və sonra "büdcənin" verildiyini qeyd edir.
Həmin yazışmada Mehman etiraf edir ki, o, digər dostundan da xarici ölkədə reaksiyaları artıq təşkil edir. Lakin ölkənin adını açıqlamır.
