28 iyul hərbi reportyor, Birinci və İkinci Qarabağ Müharibəsinin hərbi jurnalist kimi iştirakçısı Ədil Arifoğlunun anım günüdür.
Ədil Arifoğlu 1968-ci ildə İmişlidə anadan olub.
Azərbaycan Dövlət Mədəniyyət və İncəsənət Universitetini bitirib. İxtisasca rejissor idi.
Arxivində Birinci Qarabağ Müharibəsinə aid 500 saatlıq videomateriallar var. Füzuli, Cəbrayıl, Qubadlı, Ağdam və Kəlbəcər istiqamətində gedən döyüşlərin videoçəkilişlərini edib. 1994-cü ilin fevralında Füzulinin Seyidəhmədli kəndi istiqamətində gedən döyüşlər zamanı qarşı tərəfdən açılan snayper atəşi nəticəsində boğazından yaralanıb.
2024-cü il 28 iyul tarixində vəfat edib və doğulduğu İmişli rayonunda dəfn olunub.
