2022-ci il ərzində Bakının Suraxanı rayonunda ümumi uzunluğu 16 kilometrdən artıq olan 13 küçə əsaslı təmir olunub. Bu haqda bu gün, 6 yanvar tarixində Bakuplus.az Azərbaycan Avtomobil Yolları Dövlət Agentliyinə (AAYDA) istinadən məlumat verir.
Yeni Suraxanı qəsəbəsinin 14 iyul küçəsindən ayrılan məhəllədaxili yollarında (1000 metr), Mərkəzi küçəsində (1300 metr), Bülbülə qəsəbəsində Samir Əliyev küçəsində (600 metr), Qaraçuxur qəsəbəsində Şərq yaşayış massivinin yollarında (3900 metr), Əmircan qəsəbəsinin Zeynal Zeynalov (1000 metr) və Atamoğlan Rzayev küçələrinin məhəllədaxili yolarında (650 metr), Zığ qəsəbəsində İdris Süleymanov (1000 metr) və Hətəm Allahverdiyev (1000 metr) küçələrində, Dədə Qorqud yaşayış massivinin məhəllədaxili yollarında (1400 metr), Hövsan qəsəbəsində Məktəbli (1300 metr), Oqtay Şabanov (1200 metr) küçələrinin və Südçülük yaşayış massivinin məhəllədaxili yollarında (1000 metr), Dənizkənarı küçəsində (1 000 metr) əsaslı təmir işləri aparılıb.
Bu ərazilərdə yeni və müasir yol infrastrukturu yaradılaraq vətəndaşların istifadəsinə verilib.
2021-ci ildə Suraxanı rayonu ərazisində ümumi uzunluğu 18,5 km olan küçələr təmir edilib.
