Paytaxtın Yasamal rayonu, Fərid Ələkbərov küçəsinin bir hissəsi təmir olunub. Bu haqda bu gün, 20 dekabr tarixində Bakuplus.az Avtomobil Yolları Dövlət Agentliyinə istinadən xəbər verir.
Ortalama eni 8 m olan adıçəkilən küçənin Hüseyn Cavid prospekti ilə Süleyman Dadaşov küçələri arasında olan hissəsində köhnə asfalt örtüyü sökülərək yenisi ilə əvəzlənib. Əraziyə yeni bordürlər düzülüb, piyada səkiləri bərpa olunub.
Həmçinin yeraltı kommunikasiya xətləri və yağış barmaqlıqları təmir olunub. Daha sonra müvafiq yol cizgiləri çəkilib, nişanlar quraşdırılıb.
Cari il ərzində Yasamal rayonu ərazisində ümumilikdə 6 km uzunluğunda olan 5 küçə əsaslı təmir olunub.
[URIS id=83861]
