Yasamalda 18 il əvvəl nənə və nəvəni öldürən şəxslərin məhkəməsi başa çatıb. Bu haqda bu gün, 19 dekabr tarixində Report məlumat verib.
Qətl törətməkdə təqsirləndirilən Fərid Məmmədli 15 il, Anar Ağalarov isə 16 il müddətinə azadlıqdan məhrum ediliblər.
Yasamal rayonunda 2004-cü ildə qətlə yetirilmiş və meyitlərinin üzərində çoxsaylı bıçaq xəsarətləri aşkar edilmiş 1947-ci il təvəllüdlü Rəhilə Cəlilova və nəvəsi, 1989-cu il təvəllüdlü Aygün Əzizova öldürülüblər.
Polisin keçirdiyi əməliyyat-axtarış tədbirləri nəticəsində Bakı şəhər sakini Anar Ağalarov qətli törətməkdə təqsirli bilinib. O, Cinayət Məcəlləsinin 234.1-ci (Narkotik) maddəsi ilə məhkum olunub və hazırda Ədliyyə Nazirliyinin Penitensiar Xidmətinin İxtisaslaşdırılmış Müalicə Mərkəzində müalicə alır. İlkin dindirmə zamanı Ağalarov hadisəni xalası oğlu Teymur Məmmədovla birlikdə törətdiyini etiraf edib.
Məlum olub ki, Anar Ağalarov qabaqcadan əlbir olduğu xalası oğlu ilə birlikdə quldurluq etmək məqsədilə 24 aprel 2004-cü il tarixində saat 18:30-da Rəhilə Cəlilovanın yaşadığı mənzilə daxil olub. Həmin vaxt onlar Aygün Əzizovanın da orada olduğunu görüblər və özləri ilə mətbəxdən götürdükləri bıçaqlarla çoxsaylı xəsarətlər yetirməklə Rəhilə Cəlilova və Aygün Əzizovanı xüsusi amansızlıqla qəsdən öldürüblər, daha sonra mənzildə olan 600 ABŞ dolları məbləğində pulu götürüb hadisə yerini tərk ediblər.
Toplanan sübutlar əsasında təqsirləndirilənlər Cinayət Məcəlləsinin 5 maddəsi ilə ittiham olunublar:
