Azərbaycan Qida Təhlükəsizliyi Agentliyinin (AQTA) əməkdaşları Bakıda “İran nemətləri” mağazasında Azərbaycan dilində markalanmamış məhsullar aşkar ediblər. Bu haqda bu gün, 7 yanvar tarixində Bakuplus.az agentliyin mətbuat xidmətinə istinadən məlumat verir.
Aparılan yoxlamalar zamanı Yasamal rayonu ərazisində yerləşən obyektdə qida təhlükəsizliyi qeydiyyatı, işçilərin ilkin və dövri tibbi müayinədən keçirilməsi barədə çıxarışın olmadığı, Azərbaycan dilində etiketlənməmiş məhsulların satışı faktı müəyyən edilib.
Həmçinin yanvarın 5-də AQTA-nın əməkdaşları tərəfindən aparılan monitorinqlər zamanı 24 obyektdə qanun pozuntusu aşkar edilib. Aşkar edilmiş nöqsanlarla əlaqədar müvafiq tədbirlər görülüb.
