Xəzər rayonunun Binə qəsəbəsi ərazisində baş vermiş bıçaqlanma hadisəsi zamanı xəsarət alan şəxslə bağlı məlumat var.
Bu barədə Bakuplus.az-a Tibbi Ərazi Bölmələrini İdarəetmə Birliyindən (TƏBİB) məlumat verilib.
Bildirilib ki, Respublika Təcili və Təxirəsalınmaz Tibbi Yardım Mərkəzinə 29.09.2024-cü il tarixdə saat 20:30 radələrində Xəzər Təcili Tibbi Yardım Stansiyasının Binə filialına çağırış daxil olub. Təcili tibbi yardım heyəti tərəfindən 34 yaşlı (kişi cinsli) şəxs döş qəfəsinin sol nahiyəsinin deşilmiş yarası diaqnozu ilə Sabunçu Tibb Mərkəzinə təxliyə olunub.
Nəzrin Vahid
10:19
DİN Xəzər rayonunun Binə qəsəbəsi ərazisində baş vermiş bıçaqlanma hadisəsi ilə bağlı açıqlama yayıb.
DİN-in Mətbuat Xidmətinin əməkdaşı İbrahim Əmiraslanlı APA-ya bildirib ki, sentyabrın 29-da saat 23 radələrində paytaxtın Xəzər rayonunun Binə qəsəbəsi ərazisində qəsəbə sakinləri 1997-ci il təvəllüdlü Nicat Hüseynovun və 1990-cı il təvəllüdlü Zaur Sultanovun şəxsi münasibətlər zəminində aralarında yaranmış münaqişə zamanı bir-birilərinə kəsici alətlə xəsarətlər yetirmələri barədə polisə məlumat daxil olub.
Hadisə ilə bağlı Xəzər Rayon Polis İdarəsində araşdırma aparılır.
