Bakı şəhərində Salamzadə küçəsində metronun "20 Yanvar" stansiyası istiqamətində hərəkət edən sürücülər sol zolağa keçməkdə çətinliklərlə üzləşirlər.
Həmçinin, Tbilisi prospektinə doğru hərəkət edənlər geridönmə zamanı ciddi problemlər yaşayırlar.
Bakuplus.az Oxu.az-a istinadən xəbər verir ki, sürücülər zolaq dəyişdirərkən qarşı tərəfdən gələnlərə yol vermir, bu da manevr etməyə çalışanların qaydaları pozmasına səbəb olur. Sona yaxınlaşdıqda isə yerdəki üfüqi nişanlanma xətti sola girişi qadağan edir, bu səbəbdən sürücülər ya qayda pozur, ya da irəlidəki dairədən geri dönməyə məcbur olurlar.
Boyanın silinməsi piyada keçidinin görünməz hala gəlməsinə səbəb olur.
