Bakuplus.az-ın əldə etdiyi məlumata əsasən, bu gün COP29 keçiriləcəyi məkan Bakı Olimpiya Stadionumnda konfrans keçirilib və burada nəqliyyat, tədbir cədvəli, medianın akreditasiya haqqında məlumat verilib.
Qeyd edək ki, Stadion zonalara bölünüb və hər zonanın öz funksionallığı mövcüddur.
Mavi zona UNFCCC tərəfindən idarə olunan rəsmi konfrans və danışıqlar məkanıdır. COP29 çərçivəsində keçirilən bütün rəsmi sessiyalar, iclaslar, paralel tədbirlər və mətbuat konfransları Mavi zonada keçiriləcəkdir.
Yaşıl zona isə müxtəlif iştirakçıların öz baxışlarını bölüşə bilmələri üçün dinamik platformadır. Bu zona cari innovasiyaların, eləcə də iqlim dəyişmələri ilə mübarizə üzrə potensial həll variantlarının təqdim edilməsinə dair müzakirələr, panellər və əyani nümayişlər üçün mərkəz funksiyasını yerinə yetirir.
