Dünən ailəsinin 5 üzvünü qətlə yetirməkdə ittiham olunan Əhməd Əhmədovla bağlı baş tutan məhkəmədə yekun qərar verilib. Məhkəmənin qərarı ilə Əhməd Əhmədov ömürlük ruhi xəstəxanada təkadamlıq kamerada qalacaq. Məhkəmə heyəti onun psixi pozuntusunu nəzərə alaraq, həbsxanaya göndərməyib və birbaşa müalicə müəssisəsində məcburi müalicəsi haqda qərar çıxarıb.
Məsələ ilə əlaqədar cəmiyyəti maraqlandıran əsas sual Əhməd Əhmədovun ailə mülkiyyətinin kimə qalacağı ilə bağlıdır. Faktiki olaraq, onun birinci dərəcəli ailə üzvlərindən heç bir həyatda deyil.
Musavat xəbər verir ki, Əhməd Əhmədovun ailə mülkiyyəti ilə bağlı qərarlar, onun fəaliyyət qabiliyyəti olmadığından, yalnız qəyyumu və ya qanuni nümayəndəsi tərəfindən veriləcək. Əhmədin valideynləri həyatda olmadığı üçün, onun adına düşən miras qanuni nümayəndəsi vasitəsilə qəbul ediləcək. Əmlakın idarə olunması və müqavilələr yalnız Əhmədin maraqları nəzərə alınaraq həyata keçiriləcək.
