Xaçmazda meşədən göbələk yığıb yedikdən sonra zəhərlənən rəfiqələr ölüblər.
Shimal.News-un əldə etdiyi məlumata görə, 47 yaşlı İ.Bayramova Bakı Kliniki Tibbi Mərkəzə çatdırılan zaman yolda vəfat edib. Onun rəfiqəsi Günel Abdullayeva isə həkimlərin səyinə baxmayaraq xəstəxanada dünyasını dəyişib.
Tibbi Ərazi Bölmələrini İdarəetmə Birliyi (TƏBİB) məlumatı təsdiqləyib. Bildirilib ki, 39 yaşlı G.Abdullayeva kəskin ağır və ekzotoksiki şok vəziyyətində Kliniki Tibbi Mərkəzin Toksikologiya şöbəsinə çatdırılıb. Bütün reanimasiyon tədbirlərin aparılmasına və həkimlərin çoxsaylı səylərinə baxmayaraq, onun həyatını xilas etmək mümkün olmayıb.
Qeyd edək ki, vəfat edən qadınlar Bakı şəhəri Xətai rayonunun sakinləri imişlər. Onlar Seyidli kəndində bağ evlərinə gələrək göbələk yığımı ilə məşğul olublar.
Faktla bağlı araşdırma aparılır.
