Biz hamımız unikalıq: hər kəsin öz xarakteri, vərdişləri, dünyadakı hər şeyə baxışları və fikirləri var. Hər bürcün də iç dünyası var: bəziləri vaxtı gələndə göstərər, bəziləri isə ömrünün sonuna kimi sirr olaraq qalarlar. Bürclərin müəyyən xüsusiyyətlərini sizə göstərməyə çalışacağıq: bu, sizə gələcəkdə onlara daha yaxın olmaq, onları başa düşmək və ürəklərinə yol tapmağa kömək edəcək.
Oxuyun, əylənin, bəyənin, ən əsası isə inciməyin!
Tərəzi: emosionallıq səviyyəsi - 30%
Tərəzilər hər şeydə tarazlıq tapmaq fikrindədirlər. Bəzən onlar ifrata varmağa hazır olurlar, xüsusən də söhbət əks-cinsin nümayəndələrindən gedirsə. Tərəzilər sevgiyə nail olmaq üçün hər şeyi edəcək, hətta dedi-qodudan da çəkinməyəcəklər. Onlar romantik bürcləri sevirlər.
Tərəzinin müdrikliyi hiyləgərliklə birləşərək heç bir ali təhsilin verə bilməyəcəyi effekt verir. O, heç olmasa, bəzən “DÜŞÜNMƏMƏK” düyməsini sıxmaq və sadəcə həyatdan həzz almaq istərdi...Tərəzilərin dedikləri və hiss etdikləri çox vaxt fərqli şeylərdir.
Əqrəb: emosionallıq səviyyəsi - 40%
Əqrəblərin dözülməz şəkildə sancması ifadəsi doğrudur. Təbii ki, onların hazırcavablıq baxımından tayı-bərabəri yoxdur. Əqrəb ən həssas bürcdür, o, gözəl görüş və romantik jestlərin ustasıdır.Aşırı dərəcədə cazibədar olurlar, buna görə də az adam bu şiddətli ehtiras axınının cazibəsindən xilas ola bilir. Əqrəblər problemləri haqqında çox düşünməkdən çəkinsələr, daha tez müsbət nəticələr əldə edə bilərlər, yəni müəyyən zamanlarda həyatı öz axarına buraxsalar, özlərinə xeyir vermiş olarlar.
Oxatan: emosionallıq səviyyəsi - 50%
Oxatanlar ömür boyu ədalət və həqiqət bayrağını qürurla daşıyırlar. Onları şəxsi azadlığın məhdudlaşdırılmasından başqa, heç nə qəzəbləndirə bilməz. Oxatanlar yaxşı yumor hissinə malikdirlər, lakin bəzən hədlərini aşırlar və başqalarını incidə bilərlər. Hər Oxatan bürcündə iki nəfər yaşayır: biri sakit və səssizdir, ikincisi isə birincini incidəndə meydana çıxır. Və bu görüş onu incidənlər üçün çox xoşagəlməz və təhlükəli ola bilər! Bu bürc nadir hallarda dərhal aqressivlik nümayiş etdirər: əvvəl xəbərdar edər, eyham vurar, işarələr verər... Və onun səbri tükənəndə həmin insanı sadəcə məhv edər.
Oğlaq: emosionallıq səviyyəsi - 60%
Oğlaqlar işgüzardırlar! Bu bürc nümayəndələri ən çətin tapşırıqları öz üzərinə götürür və onların öhdəsindən asanlıqla gəlirlər. Əgər onlar hər hansı bir işin başındadırlarsa, bilin ki, bunu ideal görəcəklər. Oğlaq sevgilisini daim nəzarət altında saxlayar: bu xüsusiyyət bəzən ikinci tərəfi bezdirər və sonu ayrılmaqla bitər. Bu bürc başqalarını tənqid edər, lakin özünə deyilənləri qəbul etməz. Oğlaqların niyə bəzən qəribə və özbaşına adlandırıldığını bilirsinizmi? Çünki onlar çoxlarının öyrəşdiyi kimi deyil, istədikləri kimi yaşamağa üstünlük verirlər. Oğlaqlar hisslərini bildirməkdən çəkinərlər: etiraflarının səhv başa düşüləcəyindən, ən çox da zəif görünməkdən qorxurlar.
Dolça: emosionallıq səviyyəsi - 20%
Dolça öz illüziyalarında yaşamağa öyrəşmiş çılğın biridir. Onları aldatmaq çox asandır və insanlar bundan istifadə etməyə öyrəşiblər. Buna görə də bu bürc tez-tez fırıldaqçıların və sadəcə olaraq, asan ov axtaranların qurbanına çevrilir. Enerji və gücdən tamamilə məhrum, heç bir istəkləri olmayan və xəyal qurmağı dayandırmış Dolça ilə qarşılaşsanız, bu, onun zəif olması ilə əlaqədar deyil, bu, Dolçanın uzun müddət çox güclü olmaqdan yorulmasıdır. Yaxşı ki, heç kim bu bürcün fikirlərini oxuya bilmir, əks-halda onların qarşı tərəfdəki obrazı “gorbagor olar”.
Balıqlar: emosionallıq səviyyəsi - 10%
Balıqlar digər bürclər arasında ən az çılğın olanlardır. Sakit və dincdirlər, həmişə onlara arxalana bilərsiniz. Balıqlar birini sevirsə, öz maraqlarını qurban verməyə hazırdırlar: bu xarakter xüsusiyyətləri onları düşüncəli, müdrik və empatik edir. Balıqlarda bir insana qarşı güvən yaranıbsa, həmin insan, həqiqətən, onlar üçün bir dünyaya çevrilə bilər. Məhz buna görə də Balıqların yanında olmaq istəyənlər onların etibarını qazanmaq üçün çalışmalıdırlar.
[URIS id=130013]
