Bürclərin hər birinin xüsusi olduğunu əminliklə söyləyə bilərik: onların hamısının özünəməxsus, bənzərsiz və təkrarolunmaz xüsusiyyətləri var. Bakuplus onları sizə daha yaxından tanıtmaq üçün hər bürcə uyğun maraqlı faktlar yığıb.
Qoç
Qoçlar dünyaya döyüşmək üçün gəliblər: istədiklərini əldə etməyənədək dayanan deyillər. Bu bürc öz dəyərini bildiyi üçün onu qısqandırmaq çətindir: “ilk öncə MƏN və mənim ətrafımda olanlar” prinsipi ilə yaşayırlar. Bu səbəbdən bəzən onları eqoist hesab edirlər. Xaricdən buz, daş kimi görünsələr də, daxillərində körpə, yumşaq ürəkli biri yatır. Yeganə bürcdür ki, onun ehtiyaclarını ödəmək çox çətindir: bu səbəbdən onlar axtara-axtara ya gec evlənirlər, ya da evdə qalırlar. Bütün bürclərdən şanslı olmaları ilə fərqlənirlər, lakin bəzən ağıl işlətmək üçün tənbəllik edirlər. Qoç çox inadkar biridir: qara rəngi ağ kimi görürsə, bilin ki, ona bunun əksinə olduğunu sübut edə bilməycəksiniz.
Buğa
Səyahət etməyi sevən bu bürc bir yerdə heç vaxt dayanmaz: o, ildə 2-3 iş dəyişə bilər. Bürcün kişi nümayəndələri daim ideal axtarışında olurlar: qıraqdan vaxt keçirmək kimi görünsə də, onlar sadəcə özlərinə uyğun olanı tapmağa çalışırlar. Buğa bir saniyə ərzində mülayim, şirin insandan soyuqqanlı canavara çevrilə bilər: çalışın, onun “quyruğunu tapdalamayın”, dünyanı başınıza yıxar! Çox çalışqan bürcdür: bütün gücünü işə həvalə edər, lakin çox vaxt buna dəyər verən olmur. 12 bürc arasından ən qarınqulusu budur: “pəhriz” sözü Buğanın lüğətində belə yoxdur. Bu bürcün ürəyini ala bilsəniz, inanın ki, dünyanın ən xoşbəxt insanı olacaqsınız: sevilməyin nə olduğunu bilmək istəyirsinizsə, Buğaya üz tutun.
Əkizlər
Bu bürcün nümayəndələri daim düşüncələrdədirlər: ağıllarında dəqiqədə min fikir olur və sonda elə möhtəşəm iş çevirirlər ki, hamını mat qoyurlar. Vəziyyətdən asılı olmayaraq, pozitiv qala bilən bürcdür: min bir dərdə düşsə belə, heç vaxt ruhdan düşməz! Çox sadədirlər və nadir hallarda lovğalanırlar, o da özlərini qarşı cinsin nümayəndələrinə göstərəndə: bir insanı əldə etmək üçün hətta evini satıb sırf onun qayğısına qalar. Dost axtarışında çox seçicidir: ətrafında nadir halda çox insan olar. Yaxın bildiyi insanlara son qəpiyini belə verər, lakin çox vaxt insanlar onun səxavətindən istifadə edirlər. Əkizlər çox vaxt başqasına ağıl verməyi sevirlər. Bu xüsusiyyət insanlar tərəfindən xoş qarşılanmır, lakin onların məsləhətinə önəm versələr, işləri daha yaxşı gedər.
Xərçəng
Bu bürc şirin bir qoğaldır: yedikcə yemək istəyirsən. Xərçənglərin 90%-i o qədər yaraşıqlı və gözəldir ki, sanki model olmaq üçün dünyaya gəliblər. İnsanlara layiq olduqlarından daha çox şans verirlər, lakin onun bu xüsusiyyətindən insanlar istifadə edirlər. Eşqbazlıq yarışması olsa, bilin ki, Xərçəng birinci yeri tutacaq: dili onun qılıncıdır və sizə elə sözlər deyər, sizi elə ovsunlayar ki, bir də görəcəksiniz ki, tora düşmüsünüz. Onların əhval dəyişikliyini qəbul etməli olacaqsınız: 1 dəqiqə ərzində gülərüz insandan qəzəbliyə çevrilə bilər. Xərçənglər kökəlməyə meyilli olanlardır və buna görə də artıq çəkidən başqalarına nisbətən daha tez-tez əziyyət çəkirlər.
Şir
Sənin Şirə ehtiyacın ola bilər, amma onun heç kəsə ehtiyacı yoxdur: təkəbbürlü bürc sayılır və sevgi münasibətlərində kiminsə dalınca qaçmaz. Bununla belə az adam bilir ki, buz kimi görünən Şir bürcünün ruhu həssasdır: onu tez incidə bilərsiniz, lakin o, sizə bunu göstərməz, amma içində ağrını çəkər. Kiməsə güvənmək üçün onu 1001 sınaqdan keçirər, daha sonra yaxınına buraxar. Çox vaxt hadisələri dramatikləşdirər, bu səbəbdən də bilmədən özünü depressiyaya salar. 12 bürc arasında liderliklə fərqlənir: çox vaxt rəhbər vəzifədə işləyir. Bu bürc böyük səbrə malikdir: amma özündən çıxsa, onun qisası çox qəddarcasına olacaq.
Qız
İnsanlara, xüsusən də sevdiklərinə kömək etmək daim arzusudur: cibində 1 manat qalsa belə, onu yaxınına verər. İstəsəniz də, istəməsəniz də, sizə diqqət ayıracaq: ona qulaq assanız, faydalana bilərsiniz, çünki Qızın içində filosof yaşayır. Bir məqsəd qoysa, sonuna kimi gedər: hamı ona baxıb həsəd aparar. Bürclər arasında “dəliliklə” fərqlənirlər: bu dəlilik sevgidə də özünü büruzə verir. Sevdiyi insan üçün göydən ulduzları yerə endirər: romantik xüsusiyyəti ilə qarşı cinsin nümayəndəsini özünə bağlayır. Vasvasıdır və bu, insanların əsəblərinə toxunur: onunla alış-verişə getməyin, içinizdəki şeytanları üzə çıxaracaq. Güclü intuisiyası sayəsində insanları mükəmməl başa düşür: onu aldatmağa çalışmayın, xislətinizi üzə çıxaracaq!
[URIS id=135397]
