QOÇ bürcü
Risk etmək - uçurumdan tullanmaq, qanadları isə uçuşda olarkən açmaq deməkdir. Bu həftə çoxdandır arzu etdiyiniz məsələni yerinə yetirin, özünüzə güvənin - həftə imkanlarla dolu olacaq. Bu bürcün bir çox nümayəndəsi öz fəaliyyət sahələrini dəyişmək, yaxınlarından qiymətli hədiyyə almaq və ya yeni romantik münasibətlərə başlamaq, bununla da həyatlarını dəyişmək üçün real fürsət əldə edəcəklər. Həftəiçi hamı sizə baxacaq, gözünü sizdən ayıra bilməyəcək - çünki sizin cazibəniz hamını heyran edəcək. Çox insan sizinlə münasibət qurmaq istəyəcək. Uğurlu günləriniz 22, 24 avqust, uğursuz gününüz isə 25 avqustdur.
BUĞA bürcü
Ciddi münasibətlərə hazır olmayan Buğalar bürcünün kişi nümayəndələrini sürpriz gözləyir - qarşınıza elə bir qız çıxacaq ki, sizin ürəyinizi və ağlınızı alacaq. Bu, bəlkə də ən uğurlu və ideal münasibət olacaq - hamı sizə baxıb həsəd aparacaq. Həyatınızda sizə quyular qazan çoxdur, çünki sizin uğurunuzu həzm edə bilmirlər. Lakin onlar buna nail olmayıblar və olmayacaqlar. Həftəsonu əsəbi və çox yorğun ola bilərsiz - çalışın bol istirahət edin. Uğurlu günləriniz 19, 20 avqust, uğursuz gününüz isə 21 avqustdur.
ƏKİZLƏR bürcü
Şəxsi münasibətlərdə hisslərinizi gizlətməyin - birindən xoşunuz gəlirsə, çəkinmədən bunu etiraf edin, yoxsa sevgi qatarınız əldən gedəcək. Valideynlərinizi də unutmayın və onlarla mümkün qədər çox vaxt keçirin. Tətilə çıxmaq, gözəl istirahət etmək üçün əsl vaxtdır. Həftənin sonunda işsiz olanlar özünə yeni, gəlirli iş tapacaqlar. İşi olanlar isə aktiv olun, yeni ideyalar təklif edin - müdiriyyət bunu qiymətləndirəcək və gələcəkdə karyeranızda qabağa getməkdə kömək edəcək. Uğurlu günləriniz 21, 23 avqust, uğursuz gününüz isə 19 avqustdur.
XƏRÇƏNG bürcü
Bu həftə Xərçənglər birdən-birə sevgi əskikliyini hiss edəcəklər. Lakin bu, sizin günahınız ola bilər - sizi sevənlərə çox az vaxt ayırdığınız üçün, onlar da sizə qarşı soyuyur. Necə deyərlər, sevgidə bəxti gətirməsə də, maddi durumda gətirəcək. Bu həftə Xərçəng gözləmədiyi yerdən iş təklifi alacaq və çox uğurlu iş birliyi quracaq. Həftənin sonunda kimin dost, kimin düşmən olduğunu öyrənəcəksiz - boynunuzda ilan bəsləmisiz, o insan sizi sancmağa çalışacaq. Bunu vaxtında başa düşsəniz və onunla əlaqəni qırsanız, zərər görməyəcəksiz. Uğurlu günləriniz 19, 20 avqust, uğursuz gününüz isə 24 avqustdur.
ŞİR bürcü
Həftənin əvvəli işgüzar səfərlər və danışıqlar üçün çox əlverişli olacaq. Ancaq həftənin sonunda hər hansı bir səfərdən imtina etmək daha yaxşıdır, çünki onlar olduqca uğursuz ola bilər. Sevgilinizlə münasibətlər daha da möhkəmlənəcək, xoşbəxt anlar yaşayacaqsınız. Sağlamlıq haqqında da unutmayın, indi çox həssassınız - depressiyaya düşmək ehtimalı var. Həftəsonu gözlənilməz hadisələrə hazır olun. Hər şey planınıza uyğun getməyəcək, amma ruhdan düşməyin - dəyişikliklər yaxşılığa doğru olacaq. Uğurlu günləriniz 21, 23 avqust, uğursuz gününüz isə 22 avqustdur.
QIZ bürcü
Bu dövrdə heç kim sultan deyil, hökmdar deyil, padişah deyil, lakin bu sözlər sizə aid deyil, çünki siz elə əsl şah həyatını yaşayacaqsız! Həftənin ortasında kiçik problemlər sizi ruhdan sala bilər, lakin həftənin sonunda vəziyyət yaxşılaşmağa başlayacaq - qara günləri arxada qoyub, ağ günə çıxacaqsız. Bu həftə tələbə və məzunlar ən çox sevinən şəxslər olacaqlar, çünki çoxdan gözlədikləri xəbəri alacaqlar. Pul qazanmaq üçün yeni imkanlar yaranacaq - uğurlu iş birliyi gözlənilir. Uğurlu günləriniz 24, 25 avqust, uğursuz gününüz isə 23 avqustdur.
TƏRƏZİ bürcü
Subay Tərəzi yeni münasibətlərə başlaması üçün əlverişli zaman deyil. Ulduzlar sizin üçün ən ideal partnyoru gələcək üçün saxlayıb. Egoist olan bəzi Tərəzilər, çalışın dəyişin, bu dünyada siz tək deyilsiniz, başqalarını da düşünmək lazımdır. Həftəsonu səfərə çıxın, bol-bol istirahət edin. Şəxsi münasibətlərinizdə soyuqluq yarana bilər, davalardan uzaq durmağa çalışın. Ortada anlaşılmazlıq varsa, bunu partnyorunuzla birlikdə, sakitcə həll etməyə çalışın. Maddi durumunuzda problemlər yarana bilər - bədxərc olmasanız, bu problemlə rastlaşmayacaqsınız. Uğurlu günləriniz 19, 22 avqust, uğursuz gününüz isə 24 avqustdur.
ƏQRƏB bürcü
Bu həftə Əqrəblər seçim arasında olacaqlar - bu sevgi, iş seçimi və ya alış məsələsi ola bilər. Düzgün seçim etmək üçün vaxtınız az olacaq, lakin altıncı hissinizə güvənsəniz düzgün seçim edəcəksiniz. Müdiriyyət tərəfdən danlana, hətta gözdən düşə bilərsiniz - lakin bu, bürcün tənbəl və diqqətsiz nümayəndələrinə aiddir. Həftə sonu bütün problemləri, qayğıları unudub sağlamlığına fikir verməlidir - artıq çəkilərinizi atmaq üçün ideal dövrdəsiniz. Uğurlu günləriniz 23, 24 avqust, uğursuz gününüz isə 20 avqustdur.
OXATAN bürcü
Bu həftə həyat sizi sınayacaq - işlər alınmasa belə, ruhdan düşməyin və güclü olun, çünki bu sınaqdan keçən hər kəsi sonda xoşbəxt günlər gözləyir. Maddi cəhətdən problem olmayacaq, hətta kiçik artım gözlənilir. Həftənin ortasında tək qalmaq daha yaxşıdır - çox səs-küylü yerlərə getməyin. Sevgilinizlə romantik anlar yaşayın - hədiyyə almaq, sürprizlər etmək aranızdakı münasibətinizi daha da möhkəmləndirəcək. Həftənin sonunda subayların bəxti gətirəcək - Kupidon sizin üçün ən gözəl insanı seçib ona sevgi oxunu atacaq. Uğurlu günləriniz 22, 24 avqust, uğursuz gününüz isə 19 avqustdur.
OĞLAQ bürcü
Həftənin sonuna qədər əhəmiyyətli pul axını gözləyin - bu sizin zəhmətinizin bəhrəsi olacaq. Həm də bu həftə keçmiş sevgilinizlə bağlı bütün xatirələri silmək məsləhət görülür - bunu etməyincə, ürəyinizin qapısı yeni insan üçün bağlı olacaq və bu sizə əzab verəcək. Yeni biznes açmaq, kurslara yazılmaq üçün əlverişli həftədir - ümumiyyətlə həyatınızda yeniliklər edin, darıxdırıcı həyata son qoyun. Uğurlu günləriniz 23, 24 avqust, uğursuz gününüz isə 21 avqustdur.
DOLÇA bürcü
Bu həftə istənilən işiniz sizin üçün çox asan gələcək. Bundan əlavə, işdə həmkarlarınızdan və müdirinizdən məsləhət istəməkdən çəkinməyin - bu, yeni zirvələrə çatmağınıza kömək edəcək. Bu həftə bürcün tənha nümayəndələrinin maraqlı tanışlıqlar etmək üçün gözəl şansı var. Buna görə də, şənliklərdə iştirak etmək və ya sadəcə şəhərdə gəzmək kimi təkliflərdən imtina etməyin. Münasibətdə olan Dolçalar partnyor tərəfindən xoş sürprizlər alacaqlar. Çoxdandır fikrinizdə olan proyektləri reallaşdırmaq üçün əsl vaxtdır - ilk addımı atın, ardı isə yağ kimi gedəcək. Uğurlu günləriniz 24, 25 avqust, uğursuz gününüz isə 20 avqustdur.
BALIQLAR bürcü
Bu həftə Balıqlar ciddi qərarlar verəcəklər. Belə bir qərarı və ya sadəcə vacib bir söhbəti təxirə salırdınızsa, onu həyata keçirməyin vaxtı gəldi. Çünki bu həftə işlərin müsbət yöndə gedəcəyi ehtimalı çoxdur. Həftənin əvvəlində sizi unudulmaz səfərlər və maraqlı insanlarla görüşlər gözləyir. Tanışlıq çox faydalı ola bilər. Həftənin sonunda diqqətinizi məişət problemlərinə yönəltməyin, çünki bu, lazımsız münaqişələrə səbəb ola bilər. Əgər uzun müddətdir ki, həkimə getməyi ertələyirsinizsə, o zaman bunu elə indi etməlisiniz. Axı daha çox uzatsanız, sonradan sağlamlığı bərpa etmək çox çətin olacaq. Uğurlu günləriniz 19, 23 avqust, uğursuz gününüz isə 25 avqustdur.
