QOÇ bürcü
Kimsə sizin arxanızca hiylə qura bilər: həftə sizin üçün emosional baxımdan çətin olacaq. Tale sizə çətinliklər və maneələr göndərəcək: özünüzü bir küncə sıxılmış kimi hiss edəcəksiniz. Lakin bu sınaqdan alnıaçıq çıxacaqsınız və əvəzində həyat sizə hədiyyə bəxş edəcək. Qadınlarla münasibətlərdə diqqətli olun, çünki bütün mənfi məqamlar qadınlarla bağlı ola bilər. Arzu etdiyiniz işi tapa bilərsiniz: CV-lərinizi rahatlıqla istədiyiniz yerlərə göndərin. Uğurlu günləriniz 10, 12 may, uğursuz gününüz isə 7 maydır.
BUĞA bürcü
Bu həftə bəxtiniz açılacaq: hər şey öz yerinə qayıdacaq. Qarşıda sizi güclü inkişaf gözləyir: əgər şansı əldən verməsəniz, mütləq bundan çox faydalanacaqsınız. Hər dəfə eyni tələyə düşürsünüz: bir insanın şirin sözlərinə, vədlərinə inanıb, özünüzü Şeytanın qucağına atırsınız. Sizdən istifadə edən insandan qurtulmaq vaxtı gəldi. Həftəsonu kimsə ilə açıq-aşkar mübahisə etməyin: həmkarlarınızdan və ya dostlarınızdan biri ilə münasibətlər pisləşə bilər. Uğurlu günləriniz 6, 7 may, uğursuz gününüz isə 9 maydır.
ƏKİZLƏR bürcü
Əkizlər üçün bu həftə taleyüklü dönüşlər, səfərlər, vəzifələr, uzunmüddətli durğunluqdan sonra yeni sıçrayış və mükafatlar gətirəcək. Siz işgüzarlığın zirvəsində olacaqsınız və başqa heç bir bürc sizinlə müqayisə edilə bilməz, çünki performansınız maksimum səviyyədə olacaq: öz bacarığınızı göstərəcəksiniz və insanlar bunu qiymətləndirəcəklər. Zəhmətinizə görə bonuslar və ya maaş artımı gözləyə bilərsiniz. Əks-cinsin bir nümayəndəsi sizi manipulyasiya etməyə çalışacaq: hisslərə qapansanız, o sizi marionet kimi idarə edəcək. Uğurlu günləriniz 8, 12 may, uğursuz gününüz isə 11 maydır.
XƏRÇƏNG bürcü
Həftə sizi asılılığa, var-dövlətə, münasibətlərə, yalana meyllə sınayacaq: indidən əsəb sakitləşdirici dərmanlar alın. İntuisiyanıza güvəvin, o sizə doğru yolu göstərəcək. Partnyorunuzu daha az ideallaşdırın, hər şeyi daha realistik qiymətləndirin. Pul itirməmək üçün hesablamalarda dəqiqlik lazımdır: bəzi Xərçənglər üçün bu, gəlirlərini artırmaq və daha çox pul əldə etmək şansı olacaq. Həyatdan çox şey istəyirsiniz: səbirli olmaq lazımdır. İstədiyinizi əldə edəcəksiniz, bəlkə də bu, dərhal baş verməyəcək, amma nəticə sizin üçün daha şirin olacaq. Uğurlu günləriniz 10, 11 may, uğursuz gününüz isə 6 maydır.
ŞİR bürcü
Bu həftə bir müddət əvvəl tamamladığınız layihələrin nəticələrini alacaqsınız. Sevgilinizə təzyiq göstərməməyə, ona daha çox qulaq asmağa və istəklərinə daha diqqətli olmağa çalışın. Bu həftə həm də sizi keçmişə qaytara bilər: ola bilsin, köhnə tanışlar və ya keçmiş sevgilinizlə görüşəcəksiniz. Bu görüş həyatınızda iz qoyacaq. Həftəsonu özünüzü həyatdan küsmüş kimi hiss edə bilərsiniz, lakin özünüzü toparlamalı və təslim olmamalısınız. İkinci yarınızla münasibətlər soyuya bilər: həmişəkindən daha çox nəvaziş göstərsəniz, hər şey qaydasında olacaq. Uğurlu günləriniz 6, 9 may, uğursuz gününüz isə 10 maydır.
QIZ bürcü
Sizi yeni imkanlar, taleyüklü qərarlar və dəyişikliklər gözləyir. Vacib qərar qəbul etməli olacaqsınız: bu sizin həyatınıza yenilik gətirəcək. Keçmişdə gizlətdiyiniz məsələlər meydana çıxmağa başlayacaq: bu məsələyə nöqtə qoymaq vaxtı gəldi. Aşiq olduğunuz bir insanla münasibətiniz korlana bilər: çəhrayı eynəyi çıxarıb, ağılla-başla münasibətləri qiymətləndirmək, öz illüziyalarınıza qapılmamaq məsləhət görülür. Gəzərkən pul tapsanız, çaşıb qalmayın: həyat sizə kiçik sürpriz edəcək. Uğurlu günləriniz 7, 11 may, uğursuz gününüz isə 8 maydır.
TƏRƏZİ bürcü
Çoxdan valideyn olmağı planlaşdıran Tərəzilər bu həftə uşaq dünyaya gətirmək və ya hamiləliklə bağlı xoş xəbərlər ala bilərlər. Bu həftə həyatınızda yeni bir fəsil başlayır: planlaşdırdığınız işə başlaya biləcəksiniz. Yolunuzda maneələr yarana bilər: güc yığıb onları aşa bilərsiniz. Özünüzü reallaşdırmaq üçün böyük potensialınız və çoxlu enerjiniz olacaq. Cibiniz pulla dolacaq: heç kimə gəliriniz haqda danışmayın. Əks-halda sizdən istifadə edənlərin sayı artacaq: ən yaxşısı “ağlayın”, göz qaytarın. Uğurlu günləriniz 6, 8 may, uğursuz gününüz isə 11 maydır.
ƏQRƏB bürcü
Yaxşı, məhsuldar, uğurlu həftə gözlənilir: maraqlı imkanlarınız yaranacaq. Sevgilinizlə 3-cü şəxs üzündən münaqişə yarana bilər: söz-söhbətlərə inanmamaq məsləhət görülür. Subay insanlar, çox güman ki, qarşınıza gələcək həyat yoldaşınız çıxacaq: onun xarici olmağı sizi çaşdırmasın. Bəzi Əqrəblər isə başını davaya soxacaq, lakin sonda qalib gələrək, düşmən bildiyi biri ilə sevgi yaşayacaq. Ümumiyyətlə, bu həftə qəribə hadisələrə hazır olun, hələ çox şeyə yaxşı mənada təəccüblənəcəksiniz. Uğurlu günləriniz 10, 12 may, uğursuz gününüz isə 8 maydır.
OXATAN bürcü
Bu həftə Oxatan üçün sabit və firavan bir dövr başlayır. Çöldə gəzərkən yerdən pul tapsanız və ya lotereyada cekpot qoparsanız, təəccüblənməyin: şanslı günlər başlayıb və bitmək bilməyəcək. Oxatanın bu dövrdə ən yaxın dostu uğur olacaq: il boyunca çox əziyyət çəkmisiniz və buna görə ulduzlar sizə hədiyyələr bəxş edəcək. Lakin qız dostlarınızla münaqişələr baş verə bilər. Bu, hətta xəstəxana ilə sonlana bilər: çalışın Balıqlar, Xərçəng və Dolça dostlarınızla nəzakətli danışın, yoxsa iç üzlərini görəcəksiniz. Uğurlu günləriniz 7, 12 maydır, uğursuz gününüz gözlənilmir.
OĞLAQ bürcü
Bu həftə evli olan və sevgilisi olan Oğlaq il boyunca görmədiyi günlər görəcək: sizi aşırı diqqət, hədiyyələr və möhtəşəm sürprizlər gözləyir. Sevinc dolu günlərə hazırlaşın: çətin zamanlar mütləq geridə qalacaq. Bu bürcün işgüzar nümayəndələri böyük uğura imza atacaqlar və buna ən yaxın dostları ilə birgə nail olacaqlar. Son vaxtlar çox simicsiniz və bunu ətrafınızda hamı görür: yığdığınız pulu balışın altından çıxarın və özünüzə xərcləyin. Uğurlu günləriniz 8, 10 may, uğursuz gününüz isə 6 maydır.
DOLÇA bürcü
Dolçanın ağlına, davranışına və kreativliyinə çox insan həm qibtə, həm də paxıllıq edir: bu həftə isə daha çox pərəstişkar qazanacaqsınız. Bütün uğursuz günləriniz geridə qaldı, hal-hazırda yalnız istirahət edin və həyatın kefini çıxarın. Dolçaya sevgi tapmaq düşmür: o, ya layiq olmayana aşiq olacaq, ya da münasibətə girərək sonradan bezəcək. Ona görə də tələsməyin, sevgi özü sizi tapacaq. Bu bürcün nümayəndələri bank əməliyyatları ilə bağlı diqqətli olmalıdırlar: aldana və ya uduza bilərlər. Uğurlu günləriniz 7, 9 may, uğursuz gününüz isə 11 maydır.
BALIQLAR bürcü
Balıqların yolundan qara pişik keçəcək, lakin həftə pis başlasa da, sonu gözəl olacaq. Əsas problemlər iş yerində olacaq: ola bilsin, müdiriyyətlə sözünüz çəp düşəcək. Bu dövrdə çalışın, diqqətli olun və konfliktlərə yol verməyin. Sevgiliniz sizə qarşı soyuq davrana bilər: ortada çözülməyən problemlər varsa, onları həll etməyə çalışın. Həftəsonu həyatınıza yeni dost daxil olacaq və bu dostluq ömrünüzün sonuna qədər davam edəcək. Həftəsonu bu bürcün subay nümayəndələri dəlisov bir insanla rastlaşacaqlar: onunla münasibətə girmək fikriniz olsa, həyatınız darıxdırıcı keçməyəcək. Uğurlu günləriniz 11, 12 may, uğursuz gününüz isə 8 maydır.
