Həyatımızdakı hər bir rəqəmin öz mənası və təsir gücü var. Şanslı rəqəminizi bilməklə, məsələn: maliyyə axınınızı yaxşılaşdıra, uğurlu əməliyyatın tarixini proqnozlaşdıra və ya əlaqələrinizi güclü bir birlik üçün proqramlaşdıra bilərsiniz. Üstəlik, hər bir bürc üçün bu göstərici fərdidir. Bakuplus.az bürclər üçün şans və harmoniya gətirə biləcək nömrələri təqdim edir.
Qoç, Oxatan və Balıqlar: uğurlu rəqəmlər: 1 və 9
1 rəqəmi yolun və qətiyyətin başlanğıcını, 9 isə mənəvi inkişafı və məqsədlərə çatmağa hazır olmağı simvollaşdırır. Numerologiyada ilk rəqəm liderlik, iradə və qələbə deməkdir. Bu bürclərin nümayəndələrinə "1" simvolunu mümkün qədər tez-tez istifadə etmək tövsiyə olunur. “Doqquz” tamlığın simvoludur. Buna görə də ideyalarınızın həyata keçirilməsinin başlanğıcını “9” rəqəmi olan tarixlərə təyin etmək daha yaxşıdır.
Buğa, Şir və Tərəzi: uğurlu rəqəmlər: 6 və 5
6 rəqəmi harmoniya və ailə rifahı, 5 rəqəmi isə maliyyədə uğurlar deməkdir. 6 rəqəmi romantik münasibətlərinizə birbaşa təsir edir: toyun tarixində bu rəqəm olanda ailə möhkəm olur. 5 rəqəmi azadlığı, uyğunlaşmanı və dəyişikliyi ifadə edir. İnsanlar öz qabiliyyətlərinə şübhə etdikdə və qətiyyətsiz olduqda bu rəqəmə müraciət edə və görüş, toy, səyahət və s. vacib tədbirlərini içində 5 olan tarixlərə sala bilərlər.
Əkizlər, Qız və Oğlaq: uğurlu rəqəmlər 3, 7 və 8
3 rəqəmi ünsiyyət və yaradıcılıqla, 7 rəqəmi isə hikmət və fəlsəfi baxışları oyatmağa qadir olmaqla əlaqələndirilir. “3” - güc və imanın təzahürüdür: bu rəqəm karyera nərdivanında yüksəlməyə və uğur qazanmağa imkan verir. “Üç” adıçəkilən bürc nümayəndələrinə güclü intuisiya və yaradıcılıq bəxş edir. 7 rəqəmi isə onlara düzgün qərarlar qəbul etməyə və maneələri dəf etməyə kömək edir: vacib görüşləri içində 7 rəqəmi olan tarixlərə salın. 8 rəqəmi çox vaxt sonsuzluq işarəsi ilə müqayisə edilir: doğum tarixində bu rəqəmin olduğu insanlarda güclü intuisiya hissi var, onlar başqalarının zəif və güclü tərəflərini tapa bilirlər. Bu isə onlara insanlarla ünsiyyət qurmağa və manipulyasiya etməyə kömək edir.
Əqrəb, Dolça və Xərçəng: uğurlu rəqəmlər 2 və 4
Tərkibində 2 rəqəmi olan tarixlərdə doğulanlar xəyalpərəst, zərif və romantik insanlardır. Onlar emosionaldırlar, əla intuisiyaya və empatiya hissinə malikdirlər. 4 rəqəmi azadlıq, hər hansı qayda və məhdudiyyətlərin tamamilə rədd edilməsi ilə xarakterizə olunur. 4 rəqəmi avtomobilin, telefonun və ya mənzilin nömrəsində varsa, bu bürclərə uğur gətirə bilər. 2 və 4 rəqəmləri birləşəndə Əqrəb, Dolça və Xərçəng nümayəndələrinə maddi baxımdan uğurlar gətirir və intuisiyalarına müsbət təsir edir.
[URIS id=132568]
