Zərif cinsin nümayəndələrini seçmək meyarları milyonlarla ildir ki, dəyişməz olaraq qalır. Hər kəs təbiətcə gözəl, zərif və baxımlı, lakin eyni zamanda asanlıqla ünsiyyət quran və “flirt”in nə olduğunu bilən xanım axtarır.
Bununla belə, güclü cinsin hər bir nümayəndəsinin qadın idealı haqqında öz fikirləri var. Bunun əsasında onlar özlərinə həyat yoldaşı axtarırlar. Müxtəlif bürclərdən olan kişilərin hansı qadınlara üstünlük verdiklərini öyrənməyin vaxtı gəldi.
QOÇ
Kişi Qoç üçün uyğun qadın onun kimi olmalıdır: eyni dərəcədə isti, ehtiraslı və temperamentli. İnadkar və itaətsizlik göstərən qadın Qoç tərəfindən bağışlanır, çünki bu bürcün nümayəndələri fəth etməyi sevirlər: mübarizə nə qədər çətin olsa, qələbə bir o qədər şirin olar. Qoç bürcünün nümayəndəsi sakit və cansıxıcı qadınları sevməz. Həmin qadının tamamilə onun təsiri altında olduğunu anladıqdan sonra dərhal marağını itirə bilər. Qoçlar daha çox Şir, Əqrəb, Dolça və Əkizlər bürcləri ilə harmoniya tapa bilirlər.
BUĞA
Cazibədar Buğalar ehtiraslı qadınlara üstünlük verirlər: tanışlıq üçün ilk addım atmağı bacaran cəsur qıza diqqət yetirəcəklər. Zəhlətökən, mızmıza xanımlar şanslarını belə sınamasınlar: Buğa enerjili, hətta dəlisov xanımları seçir. Qadının inadkar olması vacibdir: əlçatan qadın onun marağında olmayacaq. Buğa xanımı fəth etmək, ram etməkdən həzz alır. Buğa nizamı sevir, bu, o deməkdir ki, onun seçdiyi yaxşı evdar xanım olmalıdır və pula qənaət etməyi bacarmalıdır. Onlar həm də qurmandırlar, buna görə də Buğa ilə yalnız zərif bir aşpaz uyğunlaşa bilər. Ailə qurmaq üçün Buğaya ən çox Oğlaq, Oxatan, Qız, Xərçəng və ya Balıqlar uyğun gəlir.
ƏKİZLƏR
Əkizlər bürcündən olan kişilər zəkaya və ağıla fikir verirlər. Əgər gözəl və ağıllı qadın arasında seçim qarşısında qalarlarsa, arxayın olun, onlar ağıllı partnyor seçəcəklər. Əkizlər seçdiyi xanımın öz müstəqil fikrinin olmasını xoşlayırlar: qadın onunla hər sözdə razılaşsa, ünsiyyət cazibəsi yox olacaq. Ancaq Əkizlərin zərif cinsə olan tələbləri zəka ilə bitmir: şən və bir çox istedada malik olan qadın onun ürəyinə yol tapacaq. Güclü cinsin bu nümayəndəsi Qoç, Şir, Dolça və ya Oxatan bürclərindən olan qadınlarla xoşbəxt ola bilər.
XƏRÇƏNG
Xərçəng bürcünün nümayəndələri emosional və mehriban qızlara üstünlük verirlər. Xərçəng tez-tez sentimentallığa qapılırlar: o, qəfildən sizə əlində bir badə şərabla şeir desə, təəccüblənməyin. Onlar üçün sevdikləri qadının təkcə zahiri deyil, həm də mənəvi gözəlliyi önəmlidir. İdeal qadın Xərçəngi başa düşməli, şikayətlərinə rəğbət bəsləməli və empatiya qurmağı bacarmalıdır. Xərçəngin ürəyinə yol onun mədəsindən keçir: o, mətbəxdə möcüzə yaradan qadını əlinin ovcunda saxlayacaq. Kişi Xərçəng Şir, Oğlaq, Tərəzi və ya Əqrəbin yanında xoşbəxt ola bilər.
ŞİR
Şirin axtardığı ideal qadın elə olmalıdır ki, o, onu cəmiyyətdə qürurla nümayiş etdirsin. Müəyyən bir dairədə məşhur olan zərif cinsin gözəl nümayəndələri təvazökar qadınlardan daha çox Şiri qazanmaq şansına malikdirlər. Belə bir qadını tapdıqdan sonra Şir onu kürsüyə qoyub, ona iltifat və çiçəklər yağdıracaq. Bütün günü mətbəxdə olan, başını evdən çıxarmayan qadınlar, Şirdən əlinizi üzün! O, sizin tərəfə heç baxmayacaq. Cəlbedici paltar və hündürdaban ayaqqabı Şir bürcü uğrunda mübarizədə sizə daha faydalı olacaq. Şirlər adətən Tərəzi, Xərçəng, Qoç, Oxatan və ya Əkizlər bürclərinin nümayəndələrində bütün uyğun keyfiyyətləri tapırlar.
QIZ
Qız bürcündən olan kişilər əvvəlcə qadınları zahiri görünüşlərinə görə seçirlər. Seçdiklərinin təmizkar və baxımlı olması onlar üçün vacibdir: qadının ev işlərinə qarışa, hətta yuyulmamış çirkli qab üstündə münasibətə son qoya bilər. Onun ideal qadını savadlı, intellektual və ağırtəbiətli olmalıdır. Sağa-sola pul xərcləyən xanımlar Qızın qapısını döyməsinlər: o, ailə büdcəsinə düzgün nəzarət edə bilən qadın axtarır. Romantik xanımlar asanlıqla onun ürəyinə yol tapa bilərlər. Qız bürcü ruh yoldaşını çox vaxt Xərçəng, Əqrəb, Buğa və Qoçlar arasından tapır.
[URIS id=130729]
