Xətai rayonunda yerləşən 17 mərtəbəli binanın sakinləri bitməyən problemlərindən gileylənirlər. Bu haqda bu gün, 2 fevral tarixində Bakuplus.az İTV-yə istinadən məlumat verir.
İşləməyən lift, olmayan qaz, parklanma, pilləkən tutacaqları, üstüaçıq yüksəkgərginlikli naqillər - bu problemlər paytaxtın Xətai rayonu, Məhəmməd Hadi küçəsində yerləşən 17 mərtəbəli yeni tikili binada yaşanır.
Sakinlər mənzilləri illər əvvəl alsalar da, nə qazdan, nə də liftdən istifadə edə bilmirlər. Bu problemlər həm də MTK rəhbərliyi tərəfindən kommunal haqlarının qanunsuz yığılması nəticəsində yaranıb.
Yerli sakinlərin sözlərinə görə, evdəki sayğaclarda istifadə olunan kommunal xidmətlərin sayı göstərilmir. Bəzi qonşular sayğacları yenisi ilə əvəz ediblər, bundan sonra xərclər 50-60 manat azalıb.
Çəkiliş ərəfəsində MTK rəhbərliyi nə zənglərə cavab verib, nə də ofisinin qapısını açıb. Şirkət rəhbərliyi ofisin qapısını bağlayıb qaçmaqdan başqa çarə tapmayıb.
