Paytaxtın Xəzər rayonu, Şağan qəsəbəsinin sakinləri illərlə kifayət qədər zibil qutularının olmamasından əziyyət çəkirlər. Bu haqda bu gün, 21 noyabr tarixində İnterpress.az məlumat verib.
Vətəndaşların sözlərinə görə, 4 ildir ki, Xəzər Rayon İcra Hakimiyyətinə müraciət edirlər, lakin bir müsbət nəticə əldə olunmayıb.
Sakinlər qeyd edirlər ki, qəsəbədə cəmi 4 ədəd zibil qutusu var - onlardan ikisi “Azərsu”nun inzibatı binasının yaxınlığında, ikisi isə qəbiristanlığa yaxın quraşdırılıb. Bu səbəbdən zibillər küçələrə və boş ərazilərə atılır. Nəticədə qəsəbə ərazisində antisanitar vəziyyət yaranır.
