Sabunçu rayonunda uşağını maşın vuran valideynlər danışıblar. Bu haqda bu gün, 29 iyun tarixində Bakuplus.az Xəzər Xəbər-ə istinadən məlumat verir.
Hadisə rayonun Balaxanı qəsəbəsində baş vermişdi. Bir neçə gün əvvəl ata öz arvadını küçədə döyməyə başlayıb.Qadın kişidən qaçan zaman uşaq da öz anasının arxasınca düşüb. Qəfil yola çıxan ana və balanı maşın vurub. Nəticədə uşaq ölüb, qadın isə xəsarətlər alıb.
Övladının ölümünə Lalə İsmayılova “qisməti belə imiş” deyib.
“Hadisədir də, oldu. Mən neyləyim?!” - deyə ana bildirib.
L.İsmayılova özündən 28 yaş böyük Hümmət Adıgözəlovla 6 ildir rəsmi nikah olmadan bir yerdə yaşayır. O, küçələrdən hil qabı toplayırdı, bu isə Hümmətin xoşuna gəlməyib. Kişi bu səbəbdən öz arvadını döyməyə başlayıb.
“Mən deyirdim yığmasın hil qabını, bu da sözümə baxmadı, mən də vurdum. Bu, işləmək deyil, camaatın qarşısında əyilmək deməkdir”, - deyə H.Adıgözəlov bildirib.
Ailənin daha 1 övladı - 4 yaşlı oğlu var.
