Qazaxıstanın paytaxtı Astanada Azərbaycan diasporunun fəalları aksiya keçiriblər. Bu haqda BakuPlus.az AZfront-a istinadən bu gün, 26 oktyabr tarixində xəbər verir.
İştirakçılar iki il əvvəl İkinci Qarabağ müharibəsi zamanı Ermənistanın atdığı raket atəşləri nəticəsində uşaqların həlak olmasını əllərindəki şəkillərlə ictimaiyyətə çatdırıblar. Nümayiş olunan transparantlarda “Fransa azərbaycanlı uşaqların ölümünə etinasız yanaşır”, “Gəncədə həlak olan uşaqlarla bağlı sanksiyalar tətbiq edin” kimi yazılar qeyd olunub.
Həmçinin aksiya iştirakçıları əllərində Fransa Senatına və xalqına ünvanlanan petisiyanın emblemini əks etdirən plakatlar saxlayıblar.
Bu gün keçirilən aksiyada fəallar daha tədbirli davranıblar.
Oktyabrın 19-da Moskvada baş tutan piketin təcrübəsini nəzərə alan diaspor fəalları səfirlikdən daha uzaq məsafədə təşkil olunub (şəkildə əks olunan qəhvəyi bina).
Moskvada keçirilən aksiya zamanı polis tərəfindən saxlanılan dörd nəfərin məhkəməsi dünən baş tutub: qadınların universitetdən qovulacaqları, işdən çıxarılacaqları və hətta deportasiya ediləcəkləri ilə hədələnmələrinə baxmayaraq, onlar yalnız inzibati cərimə ödəməli olublar.
AZfront-dan verilən əlavə məlumata görə, oktyabrın sonuna kimi Azərbaycan diasporlarının nümayəndələri daha 2-3 ölkədəki Fransa səfirliklərinin önündə bu cür aksiyalar keçirməyi planlaşdırırlar.
Qeyd edək ki, petisiyaya dəstək aksiyasının birincisi Bakıda Fransa səfirliyinin qarşısında oktyabrın 15-i, növbəti piket isə oktyabrın 19-da Moskvada keçirilmişdir.
Petisiyanın Azərbaycan dilində imzalanma qaydası
Petisiyanın rus dilində imzalanma qaydası
Petisiyanın türk dilində imzalanma qaydası
Bu postun linkini qohumlarınız, dostlarınız və tanışlarınız arasında yayın. Birlikdə biz – qüvvəyik!
Petisiyanın daha çox yayılması üçün bu heşteqlərdən istifadə edək:
#BizAzərbaycanıq #AzərbaycanıQoruyaq
