Fransa paytaxtının Yelisey sarayının qarşısında Azərbaycan diasporunun nümayəndələri anti-Azərbaycan qətnaməsinin qəbul edilməsinə etiraz olaraq nümayişə başlayıblar. Bu haqda bu gün, 15 noyabr tarixində Azfront Telegram kanalı məlumat verib.
Azərbaycan diasporunun üzvləri Fransa Senatında Azərbaycana ədalət tələb edirlər. İştirakçılar “Biz ədalət istəyirik!”, “Fransa, neytral ol!”, “Senat, ədalətli ol!”, “Fransa, ədalətli, düzgün ol!” və başqa şüarları səsləndirirlər.
Əraziyə polis əməkdaşları cəlb olunublar.
Daha öncə, noyabrın 13-də Parisdə Fransa Senatının binası və Zəfər tağı qarşısında iki aksiya baş tutub.
Bu axşam Senatda Azərbaycan əleyhinə qətnamə layihəsi səsverməyə qoyulacaq. Eyni zamanda İrəvanda Opera Teatrının yanında bu qətnaməyə dəstək aksiyası keçiriləcək. Senatda baş tutacaq səsvermə proseduru böyük ekranda yayımlanması nəzərdə tutulub.
Qətnamə əleyhinə Azərbaycan xalqının petisiyasına 126 mindən çox imza toplanıb.
[caption id="attachment_79118" align="alignnone" width="640"]
Foto AzFront Telegram kanalı[/caption]
