Bakının üç rayonunda su təchizatı və kanalizasiya sistemləri yenidən qurulacaq. Bu haqda 10 mart tarixində Report məlumat verib.
“Azərsu” ASC Xətai rayonunun “Ağ Şəhər”, Suraxanı rayonunun Binə və Sabunçu rayonunun Zabrat qəsəbələrinin bir hissəsinin su təchizatı və kanalizasiya sistemlərinin yenidən qurulması üçün 3 açıq tender elan edib. Hər üç tenderdə iştirak etmək itəyənlər 500 manat ödəniş etməlidirlər.
Namizədlər tender təklifini aprelin 20-si, saat 16:00-a qədər, onun dəyərinin 1%-i qədər bank təminatını isə aprelin 29-u, saat 16:00-a qədər səhmdar cəmiyyətinin Bakı şəhəri, Yasamal rayonu, Moskva prospekti, 67 ünvanında yerləşən inzibati binasına təqdim etməlidirlər.
