Bakıda apteklərdə bəzi dərmanlar tapılmır. Bu haqda bu gün, 14 oktyabr tarixində Bakuplus.az Xəzər Xəbər-ə istinadən məlumat verir.
Şəhər sakinlərinin sözlərinə görə, ucuz dərman çatışmazlığı var. Təklif olunan əvəzedicilər daha bahadır.
Səhiyyə Nazirliyindən bildirilib ki, apteklərin dərman vasitələri ilə təchizatı nazirliyin səlahiyyətlərinə aid deyil. Nazirliyin Analitik Ekspertiza Mərkəzi dərman vasitələrinin yalnız dövlət qeydiyyatına və keyfiyyətinə nəzarəti həyata keçirir.
Dərmanlar, əsasən, Türkiyə, Rusiya, Ukrayna, Hindistan və digər Avropa ölkələrindən gətirilir. Dövlət reyestrində 5567 adda dərman vasitəsi qeydə alınıb, idxal edən şirkətlərin sayı isə 80-dən çoxdur.
Azərbaycan Həkimlər İctimai Birliyinin sədr müavini, səhiyyə sahəsi üzrə ekspert Aydın Əliyevin sözlərinə görə, dünyanın əksər ölkələrində dərman bazarına nəzarət səhiyyə müəssisələrinə həvalə olunub. Ölkəmizdə bu mühüm sahə özəl şirkətlərə həvalə olunub. Ekspert mövcud problemi yaradan amillərə diqqət çəkib.
