Bakı Beynəlxalq Avtovağzal Kompleksinin (BBAC) qarşısında taksi sürücülərinə görə hər gün tıxac yaranır. Bu haqda bu gün, 15 noyabr tarixində Bakuplus.az Avtosfer.az-a istinadən məlumat verir.
Azərbaycan Yerüstü Nəqliyyat Agentliyi (AYNA) hökm sürən xaosu aradan qaldırmaq üçün dəfələrlə “avtovağzaldan avtovağzala” sərnişindaşıma prinsipini təmin etməyə çalışsa da, bütün bu cəhdlər müsbət nəticə verməyib.
Beynəlxalq Avtovağzalın qarşısında, demək olar ki, hər gün qeyri-qanuni sərnişindaşıma prosesi gedir. Sürücülər şəxsi avtomobillərini onlar üçün əlverişli yerdə saxlayır və sərnişinləri ölkənin bütün rayonlarına daşınmağa dəvət edirlər. Nəticədə digər sürücülər daimi tıxac səbəbindən Biləcəri dairəsinə daxil ola və oradan çıxa bilmirlər.
Qanunsuz sürücülər müştəriləri avtovağzalın düz qarşısında yaxalayaraq, onların kompleksə daxil olmasına mane olurlar.
Hakimiyyət orqanlarının dəfələrlə qanunsuz daşımalarla bağlı problemi həll etmək cəhdlərinə baxmayaraq, hazırda taksi sürücüsü biznesi hələ də avtovağzal avtobuslarının işinə ziyan vurur.
[caption id="attachment_79154" align="alignnone" width="640"]
Foto Avtosfer.az saytı[/caption]
