İctimai İaşə və Xidmət üzrə Bakı Dövlət Peşə Təhsil Mərkəzi və Aesthetic & Welness World Academy birgə əməkdaşlıq çərçivəsində kosmetologiya sahəsində 4 istiqamət üzrə qısamüddətli təlimə qəbul elan edir. Bu haqda 4 oktyabr tarixində Bakuplus.az məlumat verir.
Təlim 6 ay ərzində keçiriləcək və kosmetoloq, texnik (estetik və s.), kosmesevt və masajçı (spa, tibbi və s.) istiqamətlərini əhatə edəcək.
İştirakçılar nəzəri dərsləri İctimai İaşə və Xidmət üzrə Bakı Dövlət Peşə Təhsil Mərkəzində, praktiki hissəni isə Aesthetic & Welness World Academy-nin kosmetoloji mərkəzlərində keçəcəklər.
Təlimlərdə tam orta təhsil almış hər bir kəs qeydiyyatdan keçərək iştirak edə bilər.
İştirakçılar təlimlərin sonunda Azərbaycan ərazisində qüvvədə olan dövlət nümunəli sertifikat əldə edəcəklər.
