Nəsimi rayonu, 3-cü mikrorayonda abadlıq-quruculuq işləri davam edir. Bu haqda bu gün, 19 iyul tarixində Bakuplus.az Nəsimi Rayon İcra Hakimiyyətinə istinadən məlumat verir.
Cavadxan küçəsi 26, 30 saylı ünvanlarda ümumi yaşayış binalarında və həyətyanı sahədə təmir işləri aparılır. Sözügedən işlər çərçivəsində binaların fasadlarında və dam örtüklərində əsaslı təmiri, su axıdan boru və navalçaların, giriş bloklarının qapılarının, pəncərələrinin dəyişdirilməsi nəzərdə tutulub.
Həyətyanı sahələrdə ağaclar budanır, yeni tamet-bordür daşları vurulur və sakinlər üçün söhbətgah, uşaqlar üçün idman və oyun meydançaları quraşdırılır.
Binaların yaxınlığında təzə su, işıq sistemləri çəkilir, avtomobillər üçün saxlanma yerləri ayrılır, yeni asfalt və qazon örtülüyü vurulur.
Nəsimi rayonunun digər ünvanlarında da analoji işlər aparılır.
[caption id="attachment_106799" align="alignnone" width="640"]
Foto Nəsimi rayon İcra Hakimiyyətinin rəsmi saytı[/caption]
