Bakıda məktəblinin qeyri-adekvat hərəkətləri barədə sosial şəbəkələrdə məlumat yayılıb. Hadisə Suraxanı rayonu ərazisindəki məktəblərdən birində baş verib. Onun hərəkətləri barədə hazırda Daxili İşlər Nazirliyi araşdırma aparır.
Onun məktəbdə şalvarını çıxarması, qız uşaqlarını təhqir etməsi və təhsil ocağına bıçaqla gələrək hamını hədələməsi haqda xəbərlər yayılıb. Məktəblinin hərəkətləri səbəbindən valideynlərin etiraz aksiyası keçiriləcəkləri deyilir.
Bu haqda Daxili İşlər Nazirliyinin Mətbuat Xidmətinin KİV və ictimaiyyətlə əlaqələr şöbəsinin rəisi Elşad Hacıyev də məlumat yayıb.
“Paytaxtın Suraxanı rayonunda 282 saylı məktəbdə şagirdin neqativ hərəkətləri ilə bağlı sosial şəbəkələrdə yayılan iddiaların yoxlanılması məqsədilə araşdırmalar gedir. Rayon polisin rəhbər vəzifəli şəxsləri hazırda məktəbədir. Tərəflərdən polisə daxil olan qarşılıqlı şikayətlərin təfərrüatları yerində yoxlanılır. Neqativ hala rəvac verən halın aradan qaldırılması istiqamətində müvafiq tədbirlərin görülməsi təmin olunacaqdır”.
