Binəqədi rayonu, Biləcəri qəsəbəsi, 1 may yeni yaşayış massivinin sakinləri artıq uzun illərdir ki, həllini tapmayan yol problemindən narahatdırlar. Bu haqda BakuPlus.az Real TV-yə istinadən bu gün, 22 oktyabr tarixində xəbər verir.
Burada yaşayan sakinlərin əksəriyyəti keçmiş məcburi köçkünlərdir.
Burada məskunlaşan sakinlərin sözlərinə görə, evlərinin önü artıq 30 ildir ki, bu vəziyyətdədir. Yaxın vaxtlarda qeyd olunan ərazini əhatə edən yollarda bərpa işləri görülüb.
Lakin sözügedən yol asfaltlanıb, amma yarıya kimi. Sakinlər deyirlər ki, yolun ensiz olmasına baxmayaraq, bura bir çox sürücülərin alternativ olaraq işlətdiyi yoldur.
Kifayət qədər işlək olan bu təmirə möhtac yolun əziyyətini, təbii ki, ən çox məktəblilər, yaşlılar və xəstələr çəkirlər. Şikayətçilərin sözlərinə görə, bu yola təcili tibbi yardım maşınları belə girə bilmir.
Yolda qrunt sularının axıb getməsi üçün nəzərdə tutulan kanalizasiya lüklərinin, ümumiyyətlə, olmaması səbəbindən yağan yağış torpağa hopur. Burada hərəkət etməyə çalışan istər nəqliyyat vasitəsi, istərsə də piyada palçığa batıb qalır.
Binəqədi RİH bu məsələ ilə bağlı bildirib ki, asfalt örtüyü ilə bağlı rayon ərazisində yenidənqurmaya ehtiyacı olan qəsəbədaxili yolların mərhələli qaydada təmiri ilə bağlı rayon İH tərəfindən siyahı tərtib edilərək AAYDA-ya təqdim edilmişdir.
[caption id="attachment_76030" align="alignnone" width="640"]
Foto Real Tv-nin rəsmi Youtube kanalı[/caption]
