Bakının Xətai rayonunda paytaxt sürücüləri çətinliklə üzləşirlər. Bu haqda bu gün, 10 avqust tarixində Bakuplus.az məlumat verir.
Yusif Səfərov küçəsindən 7-ci Zavod küçəsinə dönən sürücülər yaşıllıq arasında “gizlənən” “Dayanma-durma qadağandır” nişanına fikir vermirlər. Nəticədə orada avtomobilləri park edən sakinlər bir müddət sonra cərimələnirlər.
İzləyicilər aidiyyəti orqanlara müraciət edərək nişanı sürücülərin daha aydın görə biləcəkləri yerdə quraşdımağı xahiş edirlər.
“Yol nişanları və siqnalları haqqında” Konvensiyaya əsasən, xəbərdaredici nişanlar təhlükəli sahələrdən istər gündüz, istərsə də gecə vaxtı yol və hərəkət şəraiti nəzərə alınmaqla, xüsusən adi sürətlə hərəkət edərkən nişanın görünməsini təmin edən məsafədə quraşdırılmalıdır.
[video width="1920" height="1080" mp4="https://bakuplus.az/storage/photos/2023/08/sequence-014.mp4"][/video]
