Azərbaycan-Fransız Universitetində "Hədəf 5%" proqramının açılış mərasimi keçiriləcək. Bu haqda Tələbə Gənclər Təşkilatının rəsmi instagram səhifəsi xəbər verib.
Oktyabrın 27-si Azərbaycan-Fransız Universitetində "Hədəf 5%" - Tələbə Gənclər Təşkilatlarının fəaliyyətlərinin stimullaşdırılması, rəqabətliliyin artırılması, çağırışlara cavab verən tələbə kütləsinin formalaşdırılmasına dəstək proqramının açılış mərasimi təşkil olunacaq. Proqramın əsas məqsədi ali və orta ixtisas təhsili müəssisələrində tələbə-gənclər təşkilatlarının layihə və proqramlarının dəstəklənməsidir.
Açılış mərasimi Azərbaycan Respublikasının Gənclər Fondunun dəstəyi və Azərbaycan Tələbə Gənclər Təşkilatları İttifaqının təşkilatçılığı ilə baş tutacaq.
