Ramazan bayramı münasibətilə şəhid, qazi və aztəminatlı ailələrə humanitar yardım edilir. Bu haqda BakuPlus.az Azərtac-a istinadən bu gün, 29 aprel tarixində xəbər verir.
Yeni Azərbaycan Partiyası Nərimanov rayon təşkilatının təşəbbüsü ilə keçirilən aksiya çərçivəsində Nərimanov rayonu ərazisində yaşayan 50-dən çox şəhid, qazi və aztəminatlı ailələrə gündəlik ərzaq məhsullarından ibarət bayram sovqatı təqdim olunacaq.
Aksiyada Yeni Azərbaycan Partiyası Nərimanov rayon təşkilatı ilə yanaşı Azərbaycan Dövlət Turizm və Menecment Universiteti, Odlar Yurdu Universiteti, Bakı Avrasiya Universiteti və Azərbaycan Kooperasiya Universiteti iştirak edərək öz bayram sovqatlarını ailələrə çatdırıblar.
Humanitar yardım aksiyası bu gün də davam edəcək.
