Xətai rayonu, Köhnə Günəşli qəsəbəsi, General Mehmandarov küçəsi, 84 ünvanında yol kənarındakı ağacların gecə saatlarında kökündən çıxarıldığı iddia olunur. Sakinlər ərazidə yeni obyekt tikiləcəyindən və yaşayış binasının mənzillərinin pəncərələrinin qarşısının kəsiləcəyindən narahatdırlar.
Vətəndaşların sözlərinə görə, ərazi obyekt tikintisi üçün mərhələli şəkildə hazırlanır.
Sakinləri hesab edirlər ki, bu cür tikintilər əhalinin yaşayış şəraitinə, mənzillərin təbii işıqlandırılmasına və şəxsi məkanına mənfi təsir göstərir.
Mövzu ilə bağlı Xətai Rayon İcra Hakimiyyətinə müraciət olunub, ancaq sorğuya cavab verilməyib.
Mənbə: bizimesr.infо
