Bakının Xəzər rayonunda yerləşən 124 saylı tam orta məktəb direktoru Adil Əliyev məktəbdə keçirilən Novruz şənliyində Ərtoğrul bəyi canlandırıb. Bu haqda bu gün, 27 mart tarixində Bakuplus.az məlumat verir.
Direktor məktəbə qırmızı xələt və tac taxaraq gəlib. Sıraya düzülən şagirdlərə müavinləri “Qalxın, Ərtoğrul bəy gəlir” deyə göstəriş veriblər.
Öz çıxışında Adil Əliyev “Bizim insanlığımız olarsa, İsraili də, Yaponiyanı da, ABŞ-ni də ötüb keçəcəyik” kimi ifadələri səsləndirib. Direktorun görünüşü və sözləri birmənalı qarşılanmayıb.
Onun həmin iddialarına məktəbdən münasibət bildirilib. Report-un sorğusuna cavab olaraq qeyd edilib ki, Novruz bayramı ilə əlaqədar təhsil müəssisəsində təşkil olunmuş tədbirdə tarixi məzmunda şagirdlərin dünyagörüşünü genişləndirmək və onların bədii təxəyyülünü inkişaf etdirmək üçün məktəbin direktoru məktəblilərlə bərabər kiçik səhnəcikdə çıxış edib.
