Paytaxtın Xətai rayonu, Cavanşir küçəsi, 100 ünvanında, 116 saylı orta məktəbin yaxınlığında yerləşən qapalı hovuzun ağzı açıq qalıb. Bu isə öz növbəsində oradan keçən uşaqlar üçün təhlükəli vəziyyət yaradır. Bu haqda bu gün, 5 noyabr tarixində Bakuplus.az Xəzər Xəbər-ə istinadən məlumat verir.
Bir neçə metr dərinlikdə olan hovuzun içi palçıqla doludur. Şagirdlər dərsdən sonra təhlükəli hovuzun yanında oynayırlar. 3 gün əvvəl tələbələrdən biri hovuza düşməkdən son anda xilas edilib. Valideynlər deyirlər ki, hovuzun qalan hissəsi bağlanmasa, oxşar hadisə təkrarlana bilər.
Araşdırma zamanı müəyyən edilib ki, təhlükə mənbəyi olan su anbarı Xətai rayonu 133 saylı Mənzil Kommunal Təsərrüfatı Birliyinin (MKTB) balansındadır. Araşdırmadan sonra həmkarlar ittifaqının əməkdaşları hadisə yerinə gələrək problemi müvəqqəti həll ediblər.
Bu münasibətlə Xətai rayon İcra Hakimiyyətindən məlumat verilib ki, valideynləri narahat edən bu problem tezliklə tamamilə aradan qaldırılacaq.
[caption id="attachment_77832" align="alignnone" width="640"]
Foto Xəzər Xəbərin rəsmi Youtube kanalı[/caption]
