Bakı şəhəri, Xətai rayonu, Cavanşir küçəsi, 15 ünvanında yaşayan sakinlər istiliyin olmamasından şikayətlənirlər. Bu haqda bu gün, 23 noyabr tarixində Bakuplus.az Xəzər Xəbər-ə istinadən məlumat verir.
Bu problem üç ildir davam edir. Bununla bağlı vətəndaşlar aidiyyəti strukturlara müraciət etsələr də, heç bir nəticəsi olmayıb. Bildirilir ki, sakinlər hətta müxtəlif qurumlara boruların dəyişdirilməsi və binadan kənarda yeni xəttin çəkilməsi xərclərini bölüşməyi təklif ediblər. Lakin hələlik heç bir həll yolu tapılmayıb.
Binanın sakinləri iddia edirlər ki, istiliyin verilməməsinə baxmayaraq, hələ də borc qəbzləri almaqda davam edirlər.
“Azəristiliktəchizat” ASC-dən bildirilib ki, binanın zirzəmisi çirkab sularla dolduğundan və çəkilmədiyindən ev sakinləri istilik ala bilmirlər. Binanın və mənzillərin daxilində çəkilmiş istilik xətləri qurumun məsuliyyət dairəsinə daxil olmasa da, sosial məsuliyyət çərçivəsində sakinlərin problemi 3 iş günü ərzində həll edilərək bina istiliklə təmin olunacaq.
[caption id="attachment_80237" align="alignnone" width="640"]
Foto Xəzər Xəbərin rəsmi Youtube kanalı[/caption]
