Bakı küçələrində baş vermiş avtoqəzaların sayı açıqlanıb. Bu haqda bu gün, 11 iyul tarixində Bakuplus.az Nəqliyyatı İntellektual İdarəetmə Mərkəzinə istinadən xəbər verir.
Paytaxt yollarında quraşdırılmış videomüşahidə kameralarının əhatə dairəsində ötən 6 ay ərzində 885 yol-nəqliyyat hadisəsi baş verib. Bundan əlavə, 933 texniki nasaz nəqliyyat vasitəsinin yolda qalması müşahidə edilib.
Bildirilir ki, qəzalara əsas səbəb sürət həddinə, ara məsafəsinə düzgün əməl edilməməsi, yol nişanlarının tələbinin pozulması və sürücü diqqətsizliyidir.
