Bakıda avtobus dayancağı piyada zolağının 2 metrliyində quraşdırılıb. Bu haqda bu gün, 10 aprel tarixində Bakuplus.az Xəzər Xəbərə istinadən məlumat verir.
Belə ki, paytaxtın Nəsimi rayonunun Hüseyn Seyidzadə küçəsində piyada zolağından 2 metr aralıda avtobus dayanacağı quraşdırılıb. Bu da yolu keçən piyadalar üçün ciddi təhlükə yaradır. Burada piyadalar avtomobilləri, sürücülər isə yolu keçən sərnişinləri vaxtında görməyə bilərlər.
Qanuna əsasən, piyada zolağı yaxındadırsa, dayanacaqdan əvvəl çəkilməlidir, əks halda onların arasında minimum 50 m məsafə olmalıdır.
Bakı Nəqliyyat Agentliyi məsələ ilə bağlı bildirib ki, əraziyə artıq baxış keçirilib. Yaxın zamanda müvafiq addımlar atılacaq.
