Yenilənib
Faktla bağlı Sabunçu Rayon Polis İdarəsinin İstintaq şöbəsində Cinayət Məcəlləsinin 245-ci (qəbir üzərində təhqiredici hərəkət) cinayət işi açılıb. Əməli törədən şəxsin, yaxud şəxslərin müəyyən edilib istintaqa cəlb edilməsi istiqamətində tədbirlər görülür.
Tədbirlərinin nəticəsi ilə bağlı məlumat veriləcəkdir.
10:28 - Bakıda xristian qəbiristanlığı vandalizmə məruz qalıb
Bakının Sabunçu rayonu, Zabrat-1 qəsəbəsində yerləşən köhnə qəbiristanlıqda vandalizm və oğurluq əməlləri törədilib. Bu haqda bu gün, 19 aprel tarixində Bakuplus.az məlumat verir.
Yerli sakinlərin sözlərinə görə, həmin ərazidə bir əsrdən çoxdur qəsəbə sakinləri dəfn olunurlar. Qəbiristanlıq xristian adını daşısa da, burada müxtəlif millətlərin və dinlərin nümayəndələrinin məzarları var.
Qəbiristanlıqda uzun müddətdir ki, oğurluq halları baş verir. Yerlilər qeyd edirlər ki, adətən metal hasarlar və xaçlar oğurlanır. Hadisələrlə bağlı dəfələrlə qəbiristanlığının rəhbərliyinə müraciət daxil olsa da, heç bir nəticə olmayıb.
Bu il həmin ərazidə oğurluqlarla yanaşı, xeyli sayda vandalizm halları da qeydə alınıb. Ümumilikdə 150-dən çox məzardaşı dağıdılıb və yerdə qalıb. Pasxa bayramı zamanı gələn bəzi sakinlər abidələri öz vəsaitləri hesabına bərpa ediblər. Sakinlər aidiyyəti strukturlardan vəziyyətə müdaxilə etməyi, təsir etməyi xahiş edirlər.
