Paytaxtın Nəsimi rayonu, Səməd Vurğun küçəsində yaşlı qadının zorla diləndirilməsi ilə bağlı sosial şəbəkələrdə müvafiq kadrlar yayılıb. Bu haqda bu gün, 11 oktyabr tarixində Bakuplus.az Baku.ws-ə istinadən məlumat verir.
İddialara görə, yaşlı qadın özünü qızı kimi təqdim edən qadın tərəfindən ərazidəki marketin yaxınlığında dilənməyə məcbur edilib. Hadisəyə ətrafda olan vətəndaşlar müdaxilə ediblər.
Sonradan məlum olub ki, qadının ayaqları əlil arabasına skoçla yapışdırılıb. Qızı anasının ayağında yara olduğu üçün bu addımı atdığını deyib. Çünki yaşlı qadın ayaqlarını hərəkət etdirəndə yara daha da ağırlaşıb.
Hər iki qadın Nəsimi RPİ-nin 21-ci Polis Bölməsinə aparılıb. Bildirilib ki, hadisə ilə bağlı araşdırma aparılacaq.
