Bakının Nəsimi rayonu boyunca mütəmadi olaraq təmir və abadlıq işləri aparılır. Küçələr və parklar təmizlənir, istismarı başa çatan oturacaqlar, söhbətgahlar və daş örtüklər yenilənir, həyətlər təmir olunur, işıqlandırma sistemi və yaşıllıqlar həmişə nəzarətdə saxlanılır.
Bu həftə ərzində də Nəsimi Rayon İcra Hakimiyyəti tərəfindən Yusif Səfərov, Şəmsi Bədəlbəyli, Nizami küçələrində şəhərin ümumi görünüşünə xələl gətirən hasarlarda və istinad divarlarında təmir-bərpa işləri aparılıb.
Lakin hansısa naməlum səbəbdən Yusif Səfərov küçəsi boyunca “Ritz Carlton” hotelinin yaxınlığında divarlar qara rənglə boyanıb.
Bu, ictimaiyyət tərəfindən birmənalı qarşılanmayıb. Bakı sakinləri yayda, istidə qara rəngli divarın yaxınlığında olan səki ilə hərəkət edəcəklərindən narazıdırlar. Piyadalar bir tərəfdən isti asfaltla, digər tərəfdən qara divarla əhatə olunmuş olurlar. Məlum olduğu kimi, qara rəng günəş şüalarını yüngül rəngli səthlərdən daha güclü udur.
Oxşar hadisə ötən il Yasamalda baş verib. Kazım Kazımzadə küçəsində yerləşən yaşayış binası qara rəngə boyanıb.
[URIS id=96627]
