Paytaxtın Nəsimi rayonu, Hüseynbala Əliyev küçəsində zibil yeşikləri üçün nəzərdə tutulan sahə özəlləşdirilib. Bu haqda bu gün, 18 yanvar tarixində Bakuplus.az Caliber.az-a istinadən xəbər verir.
Metronun “Memar Əcəmi” stansiyası yaxınlığında yaşayan sakinlər zibil atmaqda çətinlik çəkirlər. Onlar yeşiklərin ətrafında gölməçələr olduğundan əraziyə yaxınlaşa bilmirlər və bu səbəbdən də qurumlardan əraziyə asfalt vurulmasını istəyiblər.
Nəsimi rayon İcra Hakimiyyəti məsələ ilə bağlı bildirib ki, həmin ərazini çoxdan asfaltlamaq istəyirlər, lakin işə başlamaq istəyən zaman məlum olub ki, sahə Şamil adlı bir şəxsə məxsusdur və o, abadlıq işləri görməyə icazə vermir.
Hazırda ərazi üstündə məhkəmə işi aparılır və proses bitənə qədər asfaltlama işləri aparıla bilməyəcək.
[caption id="attachment_87373" align="alignnone" width="640"]
Foto Caliber.az saytı[/caption]
