Paytaxtın Xəzər rayonu, Şüvəlan qəsəbəsi, H.Məmmədov küçəsi, 50 ünvanında yerləşən “Balıqçı” restoranında nöqsanlar aşkarlanıb. Bu haqda bu gün, 9 yanvar tarixində Bakuplus.az Qida Təhlükəsizliyi Agentliyinə istinadən xəbər verir.
Keçirilən yoxlamalar zamanı məlum olub ki, müəssisədə havalandırma sistemi və həşəratlara qarşı qoruyucu torlar quraşdırılmayıb, eləcə də işçi heyəti tibbi müayinədən keçməyib və xüsusi geyimlə təmin edilməyib. Həmçinin mətbəxdə antisanitar vəziyyətin olduğu müəyyən edilib.
Aşkar olunan faktlarla bağlı sahibkar məsuliyyətə cəlb olunub. Müəssisənin fəaliyyəti dayandırılıb.
[caption id="attachment_86231" align="alignnone" width="640"]
Foto Qida Təhlükəsizliyi Agentliyinin rəsmi saytı[/caption]
